Inigo Montoya

2003-11-15T18:20:00.000Z

Ég hef séð ljósið... og það skín skært. Loksins, loksins hef ég fundið e-ð til að fylla upp í gatið í sálu minni og fullkomnað mig sem manneskju. Boozt! Bragðgóður magafyllir sem lýsir upp tilgangslausa tilveru okkar. Ég læt hér fylgja með þrjár góðar uppskriftir.

Skyr með jarðaberja- og bláberjabragði.
Fersk jarðaber.
Klaki.

Skyr með vanillubragði.
Banani.
Klaki.

Skyr með jarðaberjabragði.
Tropical ávextir að eigin vali.
Kókos.
Klaki.

Allt sett saman í mixer og blandað þangað til klakinn er vel mulinn niður.

Bón appetít!

2003-11-15T03:26:00.000Z

"Death cannot stop true love. All it can do is delay it for a while". Westley, The Princess Bride.

2003-11-15T00:40:00.000Z

Meðtakið orðið... því orðið kemur frá Guði... og orðið er Óli.

2003-11-14T13:38:00.000Z

Þá er það orðið ljóst. Ég kemst ekki á Muse tónleikana í desember. Hverjum er svo sem ekki sama? Þar sparaði ég mér 4500 kr. Fyrir 4500 kr. get ég keypt mér 30 kókflöskur, 7,5 bjóra, 34.615 hefti nr. 10 eða 4500 stk. A4 ljósritunarpappír. Ég lifi hamingjusömu lífi vegna þess að ég fer ekki á Muse í Höllinni!

2003-11-13T18:35:00.000Z

Ussum svei og fussum svei... Nú er Óli búinn að vera óduglegur! Óli óduglegi. Nú eru liðnir margir, margir, margir dagar (eða eins og Comandant Eric Lassard í Police Academy myndi orða það: "Many, many, many days") síðan ég bloggaði e-ð síðast. Helgast það af leti, ódugnaði, tillitsleysi og vanrækslu sem allt eru dyggðir Guði þóknanlegar (sjá: Matt: 14:32) og mun Hann fyrirgefa mér og hefur nú þegar tekið frá fyrir mig sæti sér á hægri hönd (þar sem situr nú Jesús til að halda þvíheitu fyrir mig).

En yfir í önnur mál. Hvað skyldi nú vera að frétta af honum Óla... Jú Óli er í banastuði þessa dagana. Hann klessti bílinn sinn um daginn (sem var verra) en er staðráðinn íþví að lá ttað ekki á sig fá og heldur ótrauður áfram baráttu sinni við myrkraöflin. Óli er jafnan í fremstu víglínu enda býr hann yfir hugrekki á við ánamaðk, styrk á við engisprettu og vitsmunum á við meðalstórt heimilistæki.

Já... hann Óli er sko ekkert slor.

En í hvaða birtingarmynd skyldu myrkraöflin sýna sig um þessar mundir. Jú birtingarmyndin er bæði lúmsk og ógeðfelld. Myrkraöflin birtast okkur í mynd verslunarmanna, útvarpsmanna og síðast en ekki síst í mynd jólasveinsins. Okkur er talin trú um það að jólavertíðin sé hafin og þó ekki kominn miður nóvember. Verslunarmenn fara í andlytslyftingu til að ná að halda fölsku brosinu á smettinu á sér alveg fram að jólum, dagskrárgerðarmenn á Bylgjunni og Létt verða skyndilega svo væmnir í röddinni (lengi getur vont versnað) að kynfærin á manni ganga næstum því inn og jólasveinarnir grípa tækifærið og flýja fyrr úr fjöllunum til að hrella saklaus börn á götum bæjarins.

(Útúrdúr: Hverjum datt svo sem í hug að börn í dag myndu ekki vera hrædd við íslenska jólasveina? Ég meina... öll börn heyra sögurnar um vondu jólasveinana í gamla daga sem hræddu börn og foreldra þeirra sem hreinlega átu börnin. Svo er ætlast til þess að börnin trúi því að jólasveinarnir hafi bara vaknað einn daginn og ákveðið að vera ekki vondir lengur. Soldið erfitt að trúa þessu sérstaklega þegar maður sér þessar hengilmænur sem nútíma jólasveinar eru, í Viking vaðstígvélum, slitnum rauðum fatalörfum með hvítum bómullarhnoðrum, með hvítt skegg með kúkakleprum í og svartan ruslapoka. Andskotinn hafi það, þeir eru eins og útigangsmenn í vegavinnuklæðnaði. Ég meina... hver yrði ekki hræddur).

Öllu þessu berst Óli gegn af öllum kraftum. Eldmóðurinn er síkur að á tímum mynnir hann einna helst á William Wallace frelsishetju þeirra Skota (það var nú meiri vitleysingurinn). Hans helsti óvinur um þessar mundir er Ásdís forstöðumaður Tónabæjar en áður en yfir lýkur mun drekinn liggja veginn við fætur Óla og hann mun glotta og stinga úr tönnunum. Fylgist með.

2003-11-04T15:50:00.000Z

Það er orðið ljóst að það erum ekki bara við mannfólkið sem látum blekkjast af sölumennsku IKEA sem startar jólunum um miðjan október. Nú hefur þeim IKEA mönnum (reyndar í samvinnu við verslanaeigendur í Kringlunni og víðar) tekist að gabba veðurguðina líka. Í dag snjóaði í Reykjavík. 4. nóvember snjóar í Reykjavík... Í vinnunni hlustar fólk á jólalög, talar um jólagjafir, jólamatinn, jólahefðir, jólafötin, jóla... jóla.... JÓLA HVAÐ?

2003-11-03T12:06:00.000Z

Fyrir forvitna lesendur hef ég ákveðið að birta lista yfir þær afmælisgjafir sem mér hafa borist. Listinn verður uppfærður reglulega. Hann er svohlóðandi:

Eldhúáhöld (þú veist sona til að hræra með og sona) að andvirði 50 kr.

Samlokugrill.

Brauðrist.

20. öldin (bók).

Heilsársdekk.

Ryksuga.

Gardínur.

Fnykkerti, post-it miðar, Kellog's Special K bar og fundaskrá AA samtakanna.

Tequila-staup x2.

Bjór (dökkur).

American Style beikonborgari, franskar, kokteilsósa og kók.

Hellingur af kossum en þó enginn sem er í frásögur færandi því miður.

2003-11-03T11:52:00.000Z

Þá er kominn tími á að gera upp helgina. Hvað gerðist nú markvert? Eigum við ekki bara að byrja á byrjuninni?

Föstudagskvöld: Eftir vinnu lögðum ég og Maggi leið okkar á Grand Rokk þar sem Miðnes var með útgáfutónleika. Þar komst ég að því að bankinn var búinn að fella niður alla yfirdráttarheimildina mína svo á tíma leit út fyrir að ég væri að fara að djamma á afmælisdaginn minn með 82 kr. í vasanum. Kallinn var nú fljótur að redda því enda alveg ástæðulaust að láta illa gefna þjónustufulltrúa í Búnaðarbankanum, Seljaútibúi (beinið viðskiptum ykkar annað), eyðileggja gott djamm. Skelltum okkur síðan á Hverfisbarinn þar sem var frekar lítil stemmning svo... surpice, surprice... við fórum á Sólon. Þar hittum við Kalla litla sem splæsti á mig tveimur tequila-staupum (guð blessi hann). Þá var kallinn kominn í fíling. Búinn með sjö bjóra og tvö tequila... þá er kominn tími til að djamma. Hitti Andreu vinkonu mína... hún elskar mig! Held að Maggi hafi verið e-ð ósáttur við að ég hafi verið að tala við hana. Hann var nú líka orðinn soldið fullur þanneigis að... hann fór heim að æla. Virðist hafa fengið heiftarlega ælupest oní alla drykkjuna... getur ekki verið gott! Ég komst heim. Man ekki alveg hvernig... eyddi ekki svo miklum pening... skemmti mér mjög vel... Einkunn kvöldsins: 9.

Laugardagur: Lá í þynku allan daginn. Fékk súkkulaðiköku í heimsókn (og mömmu sem vaskaði upp). Lá síðan meira í þynnku. Og svo meira. Og meira. Við getum í raun sagt að ég hafi legið í þynnku þar til kl. 21 en þá kom Kalli í heimsókn með samlokugrill handa mér í afmælisgjöf. Fengum okkur bjór og horfðum á videó. Kiddi vinur hans Kalla kom... hann var ekki skemmtilegur. Held samt að hann hafi farið meira í taugarnar á Kalla en mér. Var að reyna að láta hann ekki fara í taugarnar á mér fyrir kurteisis sakir. Fórum svo niðrí bæ. Byrjuðum á Felix. Ömurlegt. Fórum svo á Sólon. Ég var að reyna að koma mér í gírinn með því að drekka meiri bjór. Vonlaust. Fór heim kl. 3. Þá hringdi Dagný. Hún var komin í gírinn... vildi ekki tala við mig vegna þess að ég var kominn heim... eða eins og hún orðaði það: "þá er ekkert gaman af þér". Kveikti á sjónvarpinu og horfði á Ísrael í dag á Omega. Það er nú efni í sér grein út af fyrir sig. Einkunn kvöldsins: 3,5.

2003-10-31T16:47:00.000Z

BREKING NEWS! Óla barst fyrsta gjöfin rétt í þessu. Forstöðumaður Tónabæjar afhenti mér post-it miðablokk, ilmkerti (vannillufýla held ég), Kellog's Special K Bar og fundaskrá AA samtakanna um allt land.

Guð gefi mér æðruleysi til að sætta mig við það sem ég fæ ekki breytt, kjark til að breyta því sem ég get breytt og vit til að greyna þar á milli.

Takk fyrir og góða nótt.

2003-10-31T16:39:00.000Z

Mér finnst það vel við hæfi að ég hefji blogg-feril minn á þessum ágæta drottinnsdegi sem vill svo skemmtilega til að er afmælisdagurinn minn (ég tek við gjöfum og heillaóskaskeytum eftir helgi (vinsamlegast hringið á undan ykkur)). Ég hef ákveðið að láta eftir í baráttu minni við tækniframþróunina, játa mig sigraðann. Það hefur orðið mér óþægilega ljóst á síðustu dögum að netið er komið til að vera, gsm-símar munu ekki detta úr tísku og fluguhnýtingar munu verða stundaðar hvort sem ég mótmæli eða ei. Ég verð að eyða næstu mánuðum í að aðlaga mig að þessum breytingum á lífi mínu og er fyrsta skrefið að byrja að blogga.
Hér mun fólk væntanlega vilja lesa um það sem á daga mína drífur og annan skemmtilegan fróðleik sem ég viða að mér úr ýmsum áttum.

Maður myndi ætla að á afmælisdaginn gerðist e-ð skemmtilegt, jafnvel spaugilegt, sem í frásögur væri færandi. Enn sem komið er.... nothing! Jú ég frétti að ég skuldaði 23.000 kr. meira en ég hélt. Það er frábært. Til hamingju með afmælið.... Takk.

ATH. Fluguhnýtinganámskeið hefjast á Borgarfirði eystri í byrjun mars. Skráið ykkur tímanlega.

2003-10-31T13:02:00.000Z

Hmmmm....... þetta er e-ð alveg nýtt.